「杜十娘怒沉百寶箱」原是明朝萬曆年間一件真人真事，杜國威先生以此為骨幹，撰寫了一個名為「Miss 杜十娘」的舞臺劇，首演在一九九六年十月，之後也曾被拍成電影，由李嘉欣、吳彥祖及沈殿霞演出。不論是舞臺劇抑或電影，最受爭議及討論的是杜國威筆下的杜十娘。
正如杜先生的自序：「從前，有個靚女，叫做杜十娘，佢做雞嘅。」「佢對個個鹹濕麻甩佬都一樣虛情假義，又驚有報應，怕第日自己揾着嗰個一樣假義虛情。」「佢唔相信有好人，但又希望有好人，希望有人相信佢係個好人！」「佢成日思疑人、分析人，講大話去試人係咪講大話！」「咁樣做雞〔或人；或雞人〕點會開心吖！陰功！」「之不過——諗深一層，邊個做人唔係咁死矛盾，咁衰格吖！我哋個個唔多唔少都有 Miss 杜嘅心態，成日揾啲嘢唔開心，自己同自己過唔去咁。」「重賤到以為自己諗嘅就係絕對啱嘅，人哋就錯嘅、唔啱嘅。」「Miss 杜就係衰執着，衰自以為是，成日怨怨恨恨，成世堅持…」「…搞到落得兩字收場——尖酸啲叫「抵死」，好聽啲叫「活該」！」
杜十娘為妓寨花錦閣花魁，鴇母夜叉看透世情，認定歡場無真愛，愛情只是一個神話，金錢才是真實可取，旗下妓女仿被洗腦，認同「雞有雞路，但係絕對唔可以真情流露！」，唯杜十娘是例外的一個，她的心底話：「無俾人愛過、錫過嘅女人喺最可憐。未嚐過戀愛滋味我死都唔會甘心…」
杜十娘遇上李甲，註定是一個刼數，形容得貼切些，李甲本就是個怯懦的富家子，沒有理想、不思進取、沒有謀生力。儘管他被杜十娘美色吸引，知道十娘視他如瑰寶，但他心裏仍有一個疙瘩，枕邊人是個妓女，所以一直抗拒稱十娘為「老婆」。即使杜十娘甘願洗盡鉛華作歸家娘，跟隨李甲返回家鄉拜見翁姑，李甲重遇舊日同窗仍拒認杜十娘為妻。
正如杜先生所述，杜十娘為恐遇上一個虛情假義的男人，所以不停試探李甲，十娘因自己身世而自卑。縱然她和李甲根本就在妓寨相識，「當初我一見傾心，睇唔出佢原來咁懦弱，咁不求上進，但喺我己經放咗感情落去，收唔番，我認命！我就係驚佢唔認命。如果佢唔係真心愛我，你話佢重有乜嘢可取？」。閱人無數的杜十娘竟栽在李甲手上，未為意李甲生性懦弱，待看到端倪時，已投入深情，走上感情不歸路。她認定：「係男人都鍾意處女」，她直言：「心可以痛，唔可以死！我情願睇往佢，心痛，唔可以對住佢，心死！…只要佢經得起考驗。」
最終李甲都經不起試驗，杜十娘散盡金銀珠寶，怒海餘生，重回花錦閣，她向其他妓女剖白：「錢，無哂！再揾過咯！愛情，無咗！再愛過啦！…我差啲浸死！以後見到海我應唔應該恐懼？抑或我唔應該再見到海，避開佢，呢一生都唔見海？」，得到的回應是：「我明啦，我哋一齊學游水！」
人原本經不起試探，試探根本是一種危險遊戲，但人卻樂此不疲，不斷以身試法，套用鴇母夜叉的話：「男又好女又好個個『心裏有數』，有個價！睇下去到邊個底線至肯賣嘅啫」，這個理念和亦舒筆下的任喜寶的信念如出一轍。夜叉更忠告世人：「千祈唉唔好笠亂試人呀，係又試唔係又試，分分鐘試出個禍嚟呀！」
杜先生帶出人性弱點：「邊個做人唔係咁死矛盾、咁衰格吖！」，杜先生對愛情的態度，該可以劇本自序作結的一句來形容：「只因有愛，才有執着」。
〈08-5-2009/0217〉
留言列表
