女巫記事簿

杜國威先生曾寫過一個舞臺劇劇本—『愛情觀自在』，真後被改編成電影，我只看過電影，女主角是陳慧珊，至於其他人物我已忘記，記得當天看電影時，只覺對白令人細想回味，現在再看劇本，感受良多。

男主角阿修為尋佛理，不顧一切放下工作和女友小靜，前住大嶼山央求他的同學智源大師收他為徒，小靜上窮碧落下黄泉，只想向阿修問過明白，豈料其後小靜竟愛上智源大師，智源大師曾受誘惑，最終仍可放下，當中加插阿修、小靜的好友—阿正及美娜這一對歡喜寃家亦處身大嶼山佛寺內，經過智源的點化，小靜有所頓悟，一切隨緣。

故事中，智源大師從沒有要求阿修、小靜、阿正又或者美娜忘情棄愛，只是從旁協助，令他們更看清楚自己，智源的話充滿禪機，但不是深澀的道理，或許，禪本來就是生活的智慧。現摘錄如下：

『有生就有死，生生死死都係天意，都唔係人所能控制既。石子如是，愛情如是，皆憑天意！』

『世間事物都係早有安排，就係佛家所講：一切隨緣。』

『緣喺度，不過，你點樣睇點去決定都會影響『緣』，所以，有姻緣、機緣、良緣、孽緣。』

『「空虛」係感覺，「虛空」至係一種境界。』

『平常一樣窗前月，才有梅花便不同 。』

『「禪」就係生活，佛都要生活。佛知道有愛情！但係唔需要有愛情！』

『修練到最高層次，就係眼睇到嘅「色」，耳聽到嘅「聲」，鼻聞到嘅「味」，身體感覺完全係「假相」。明心見性就知道世間所有都係生滅變異一切無常。最高境界嘅佛同人無分別；著起袈裟唔係即刻等如佛，飲酒食肉唔等於無佛性，又駛乜在乎我鍾意你抑或唔鍾意你吖？』

『佛家嘅『自在』包含無愁、無慮、無怨、無恨，活得自在，愛得自在。』

『一切無常，只求心之所在、心之所安。』

附錄：友人閱畢全文，寫下的感想

「智源大師也曾講過 " 見山是山, 見水是水, 見山不是山, 見水不是水, 見山仍是山, 見水仍是水 ", 人生歷程唔同, 景就自然唔同喇;  如果明白到 " 覺生於悟, 覺生於自在, 生生了無生生" 就會明白到 "般若心經" 嘅空性並不是全"無", 而是不"執". 既然不執, "有" 與 "無" 嘅時候, 受, 想, 行, 識 又有分別嗎?」

〈16-7-2007/0037〉